Ffeindiwch dag a bachwch £1000 yng nghystadleuaeth pysgota tag Llyn Brenig!

Yn ogystal â’r stoc arferol, mae 300 o frithyll seithliw mawr ychwanegol yn cael eu rhyddhau ar gyfer y tymor hwn. Mae rhai ohonynt dros 10 pwys! Felly mae digonedd o resymau i bysgotwyr ddod i Brenig wrth i ni ailagor i bysgotwyr ar 18 Mawrth.

Mae cystadlaethau pysgota tag yn boblogaidd iawn yn UDA ac maent yn rhedeg mewn nifer o wledydd eraill hefyd, gan gynnwys Awstralia. Mae'r amodau yn Llyn Brenig a'r stoc o bysgod yn berffaith i bysgotwyr, a gyda gwobr gyntaf o £1,000, mae hi'n sicr yn werth roi cynnig ar y gystadleuaeth hon!

Mae'r tagiau pysgod yn cael eu gosod wrth ymyl yr asgell ddorsal heb wneud unrhyw niwed i'r pysgodyn. Gall pysgotwyr gasglu'r tagiau a'u dychwelyd i Ganolfan Ymwelwyr Llyn Brenig neu e-bostio lluniau sy’n dangos y manylion ar y tag. Mae angen hawlen bysgota ddilys i bysgota yn Llyn Brenig. Gellir prynu'r rhain ar lein neu yn y ganolfan ymwelwyr.

Bydd y gystadleuaeth yn rhedeg drwy'r tymor tan 3 Tachwedd, a bydd raffl y diwedd blwyddyn ar 5 Tachwedd yn defnyddio manylion y tagiau a gesglir yn ystod y tymor.

Gwobr 1^af - £1,000 arian parod

2^il wobr - tocyn tymor llawn

3^ydd wobr - tocyn hanner tymor

Mae manylion ‘Ymgeisio i'r gystadleuaeth pysgota tag, y rheolau a'r rheoliadau’ ar ein gwefan